Për Jurgen Klopp janari duket një mundësi e artë për të përforcuar skuadrën në repartet që ka hasur vështirësi më të mëdha dhe sidomos në atë të mbrojtjes ku po vuajnë shumë dëmtimet e Gomez dhe Van Dijk.

Nikola Maksimovic është mbrojtësi i Napolit që trajneri gjerman po kërkon që ta transferojë në Anfield Road gjatë këtij muaji por transferimi i tij duket se nuk do të jetë një punë e lehtë.

Kjo duket gjithashtu edhe një mundësi e artë për Napolin për të mbushur arkat e saj për shkak se The Reds janë të detyruar për një ndërhyrje në merkato për të mbuluar hapësirat që kanë krijuar dëmtimet e Virgil Van Dijk dhe Joe Gomez.