Mesfushori belg synon ta mbyllë karrierën në Anderlecht pasi ta përfundojë eksperiencën tek Man City

Ylli i Manchester Cityt, Kevin De Bruyne thotë se dëshiron t’i ribashkohet ish-bashkëlojtarit të tij, Vincent Kompany në Anderlecht, posa ta përfundojë eksperiencën e tij në Angli, shkruan Gazeta Express.

Kompany u largua nga City gjatë verës për ta marrë postin e dyfishtë lojtar/trajner në klubin belg.

Mirëpo, fillimi i vështirë i sezonit mund ta shohë atë larg drejtimit të ekipit.

Ndërkohë,
De Bruyne e ka pranuar se do të donte të luajë në Anderlecht pasi ta mbyllë
eksperiencën angleze me Manchester Cityn.

Ish-futbollisti i Werder Bremenit e Chelseat është sot njëri prej futbollistëve më të mirë në Premierligën angleze. /Gazeta Express/