Shtëpia e yllit të Liverpool-it dhe Egjiptit, Mohamed Salah, është grabitur ne Kairo, me hajdutë që jane pare largohen me disa aparatura satelitore. Autoritetet egjiptiane po hetojnë pasi shtëpia e Salah u grabit në zonën e vendbanimit në Kairo, sipas raporteve lokale.
Nipi i Salah po kalonte aty pranë kur zbuloi se dritaret e pronës ishin të hapura. Një kontroll i shpejtë zbuloi se vila ishte në rrëmujë dhe disa aparatura satelitore ishin vjedhur. Tani po hetohet për vjedhjen për të zbuluar se çfarë ka ndodhur. Personeli i sigurisë po intervistohet dhe po kontrollohen kamerat e vëzhgimit për të identifikuar autorët.
Incidenti vjen në një fundjavë të vështirë për Salah. Sulmuesi i Liverpool humbi një penallti teksa Reds ranë në një humbje shokuese 1-0 ndaj Bournemouthit në Premier League. Salah dhe Liverpool tani shkojnë në Madrid në Ligën e Kampionëve, por përballen me një sfidë të vështirë për të mbajtur gjallë shpresat e tyre evropiane pasi u mundën 5-2 në ndeshjen e parë të 1/16-tës.
Trajneri i Liverpoolit, Jurgen Klopp, duke folur për BT Sport pas humbjes kundër Bournemouth, komentoi ndeshjen: “Çfarë mund të them, absolutisht zhgënjyese. Nuk ka qenë kurrë ndeshja jonë, ne ishim dominues në pjesën e parë, por gjithmonë merrnim vendime të gabuara kundër një kundërshtari kompakt që kishte kundërsulmet që donte.”
Po penalltia e humbur e Salah? “Momo shënoi shumë gola, por humbi një penallti. Ndodh, kjo është jeta. Ishte e qartë që në fillim se ata donin të luftonin për sigurinë sot, ata janë një klub i shkëlqyer në një qytet të shkëlqyer.”
