Suedia ka shënuar fitore të lehtë ndaj Kosovës me rezultat 3:0 në ndeshjen e vlefshme për kualifikim në Kampionatin Botëror.

Ndeshja e zhvilluar në prani të rreth 45 mijë tifozëve në stadiumin “Friends Arena”, ku prej tyre rreth 7 mijë ishin dardanë u mbyll me rezultat jo të kënaqshëm për Kosovën.

Suedia e shënon edhe golin e tretë ndaj Kosovës

Goli i parë erdhi pas 29 minutave lojë. Ishte Emil Forsberg që realizoi nga penalltia.

Ky ishte edhe rezultati i fraksionit të parë.

Në minutën e 62-të, Isak dyfishoi epërsinë me një gol të bukur nga distanca.

Për rezultatin 3:0 u përkujdes Quaison në minutën e 79-të, katër minuta pasi u inkuadrua në lojë.

Me këtë fitore, Suedia shkon në kuotën e 12 pikëve në vendin e dytë, një më pak se Spanja.

Në anën tjetër, Kosova mbetet e katërta me katër pikë gjithsej.

Të martën, Kosova e luan ndeshjen e fundit për këtë muaj, atë ndaj Gjeorgjisë në stadiumin “Fadil Vokrri”.