Ylli i Chelseat, Reece James ka zbuluar dy lojtarët më të vështirë me të cilët është përballur ndonjëherë. Dhe asnjëri prej tyre nuk ka luajtur kurrë kundër James në Premier League.
Mbrojtësi i djathtë veçoi yllin e Real Madrid-it, Vinicius Junior dhe yllin e Milan-it, Rafael Leao. James i tha CFCBluesCom kur u pyet për të përmendur kundërshtarët më të vështirë me të cilët është përballur ndonjëherë: “Vinni. Vinni është një. Vinicius. Them Vinni dhe Leao”.
Vinicius është ngritur në superyll te Real-i duke drejtuar sulmin e Carlo Ancelotti-t. Sulmuesi është kandidati i dukshëm për të pasuar Karim Benzema në vijën e parë. Leao, nga ana tjetër, ka spikatur te Milan-i që nga transferimi i tij nga Lille në vitin 2019.
DEKLARATAT E JAMES PER VINICIUS DHE LEAO – VIDEO
Sulmuesi i krahur madje ka tërhequr interes nga klube të ndryshme të Premier League. Këtu përfshihet edhe Chelsea, që është përballur me një luftë ofertash me Real Madrid-in dhe Liverpool-in.
James është bërë gjithashtu një figurë pjellore në Stamford Bridge që nga kalimi i tij në ekipin e parë në 2019-ën. Mbrojtësi i djathtë që atëherë ka grumbulluar gjithsej 11 gola dhe 20 asiste në 140 paraqitje me Blutë. Dhe anglezi do të jetë një lojtar kyç për skuadrën e Potter në çerekfinalet e Champions League.
