Një rast dhune në familje ka ndodhur gjatë ditës së djeshme në Podujevë.

Policia njofton se atje një grua është sulmuar fizikisht nga bashkëshorti i saj.

I dyshuari është arrestuar dhe pas intervistimit, me vendim të prokurorit është liruar në procedurë të rregullt.

“Podujevë 07.01.2022-13:30. Viktima femër kosovare ka njoftuar se është sulmuar fizikisht nga bashkëshorti i saj. I dyshuari është arrestuar dhe pas intervistimit, me vendim të prokurorit lirohet në procedurë të rregullt”, thuhet në raportin e policisë.

Dhuna në familje, konkretisht rastet kur burrat po sulmojnë gratë e tyre po shënon shifra alarmante në vendin tonë.

Vetëm në 24 orët e fundit, janë raportuar 8 raste kur burrat në qytete e fshatra kanë kanosur fizikisht gratë apo ish-gratë e tyre.

Kujtojmë se para pak ditësh një 48 vjeçare në Llaushë të Skenderajit mbeti e vrarë nga i dyshuari, bashkëshorti i saj.