Mbretëresha Elizabeth II i ka hequr të gjithë titujt ushtarakë dhe patronazhet mbretërore të Princit Andrew disa ditë pasi doli se djali i saj, i njohur gjithashtu si Duka i Jorkut, do të përballet me një gjyq civil në Nju Jork pas kërkesës së tij për të pushuar çështjen e sulmit seksual të Virginia Giuffre u refuzua nga një gjyqtar.

Një deklaratë nga Buckingham Palace, e lëshuar të enjten në mbrëmje me kohën e Mbretërisë së Bashkuar, thotë: “Me miratimin dhe marrëveshjen e Mbretëreshës, përkatësitë ushtarake të Dukës së Jorkut dhe patronazhet mbretërore i janë kthyer Mbretëreshës. Duka i Jorkut do të vazhdojë të mos marrë përsipër asnjë detyrë publike dhe po e mbron këtë çështje si qytetar privat”.

Edhe pse titulli i tij HRH (Lartësia e Tij Mbretërore), i cili iu dha atij në lindje, nuk është hequr, princi, me kërkesë të Mbretëreshës, ra dakord se nuk do ta përdorë më titullin në cilësi profesionale, raporton BBC. Sipas korrespondentit mbretëror të ITV, Chris Ship, monarku ia dha lajmin djalit të saj të dytë personalisht të enjten.