President Recep Tayyip Erdogan of Turkey speaks with his Foreign Minister Mevlut Cavusoglu (L) during the 71st United Nations General Assembly in Manhattan, New York, U.S. September 20, 2016. REUTERS/Carlo Allegri – RTSOLUH

Ministri i Punëve të Jashtme i Turqisë, Mevlut Çavusoglu ka ndërhyrë me një telefonatë pas ngjarjeve të fundit në veri të Kosovës.

Cavusoglu ka biseduar në telefon me ministren e Punëve të Jashtme të Kosovës, Donika Gërvalla dhe ministrin e Punëve të Jashtme të Serbisë, Nikolla Selakoviq, raporton Gazeta Express.

“Fola me homologët e mi serb dhe kosovar në lidhje me tensionin e fundit. Paqja dhe stabiliteti në Ballkan kanë qenë gjithmonë prioritet për Turqinë”, shkroi Cavusoglu në Twitter

Kryediplomati turk tha se “tensionet e reja nuk do ta ndihmojnë askënd”.

“Turqia është e gatshme të bëjë gjithçka që është e nevojshme për ta ulur tensionin”, thuhet në reagimin e Cavusoglut.