17-Vjeçari Shkon Me Dajat Në Divjakë, Vdes “natyrshëm” (VIDEO)

Pamja e Divjakës në pranverë e tërhoqi edhe Argjend Menën.

Malet e vendlindjes së nënës qenë edhe të fundit që pa 17-vjeçari këtë të diel.

I riu ndërroi jetë gjatë ecjes me dajallarët, por disi vdekja e tij u pa me dyshim.

Sipas familjarëve të viktimës, gjersa viktima ishte duke punuar në pyll (duke prerë dru) i ishte përkeqësuar gjendja shëndetësore.

Por daja i të ndjerit mohon që nipi ka qenë duke punuar. Thotë se pati vdekje natyrale.

Shenja të lëndimit te Mena nuk pa as mjeku kujdestar, në Komoran. Pasi iu bë autopsia, trupi i 17-vjeçarit iu kthye familjes këtë të hënë për ta varrosur.

Argjend Mena ishte djali më i vogël i familjes që jeton me asistencë sociale në Carabreg të Lipjanit.

Ja Kush është “shoferi” I Kurtit Në SHBA

Kryeministri Albin Kurti po e vazhdon vizitën në Shtetet e Bashkuara të Amerikës.

Në takime që po zhvillon atje ai po shoqërohet edhe nga ambasadori i Kosovës atje, Ilir Dugolli. Ky i fundit, e ka edhe një detyrë shtesë, atë të shoferit.

Një video e publikuar tregon momentin kur Kurti përshëndet shqiptarët atje nga një makinë e drejtuar nga Dugolli.

“Kryeministër, fshisën mos e harro”, ishte porosia e një prej qytetarëve drejtuar të parit të qeverisë.

Kryeministri Albin Kurti vizitën në SHBA e ka nisur më datën 6 të këtij muaji.

Një kërkesë për KM @albinkurti nga një qytetar gjatë vizites në Amerikë.

Perlë ❤️ #fshisa 🧹 pic.twitter.com/YK1fxD0dsn

— Egzon Azemi (@egzonazemii) May 16, 2022

Përleshje Mes Bujqve: Sulmohet Traktoristi, Bëhet Për Spital

Një ngatërresë mes bujqve në Vushtrri për shkak të punëve bujqësore ka ndodhur sot, në orët e mëngjesit, ku për pasojë, një bujk e ka fyer e sulmuar një bujk tjetër, të cilit i ka shkaktuar lëndime trupore.

Rasti ka ndodhur në orët e mëngjesit, kur viktima derisa ishte në traktorin e tij, u rrah brutalisht nga i dyshuari B.G, i cili e sulmoi me grushte në fytyrë, për shkak të një zënke që u parapriu lidhur me punët bujqësore që do të duhej t’i kryenin.

Sipas burimeve të Sinjalit brenda Prokurorisë, Policia ka intervenuar menjëherë në vendin e ngjarjes, për ta parandaluar eskalimin e situatës. Me të arritur në rrugën “Bedri Pojani”, ku ndodhi rasti, të dyshuarit i janë vënë prangat dhe është dërguar në stacion policor për t’u intervistuar.

Ndërsa viktima është transferuar në Emergjencë për të marrë trajtim mjekësor, për shkak të plagëve që ka pësuar gjatë përleshjes.

Bie Në Prangat E Policisë I Dyshuari Për Therjen E Tre Të Rinjve Në Podujevë, Sekuestrohet Thika Që U Përdor Në Sulm

Burime nga prokuroria kanë konfirmuar se i dyshuari për therjen me thikë të tre personave, në fshatin Ballovc të Podujevës, tashmë është në duart e Policisë dhe së shpejti do t’iu nënshtrohet procedurave ligjore.

Sinjali mëson se ai u kap në shtëpinë e tij, ku kishte fshehur edhe thikën që e kishte përdorur në përleshjen që rezultoi me lëndimin e tre personave.

Burimet thonë se personi i arrestuar dyshohet për veprën penale “Vrasje në tentativë” dhe “Lëndim të rëndë trupor”, për çka pas intervistimit të tij dhe ekzaminimit mjekësor, prokurori i shtetit do të nxjerrë aktvendim për dërgimit e tij në mbajtje.

Eriksen ka kaluar frikën, tani synon për më lart se Brentford! “Do të më pëlqente që…”

Mesfushori danez, Cristian Eriksen u rikthye në Premier League gjatë merkatos së janarit, teksa u transferua te skuadra e Brentford. Pas problemeve me zemrën që pati gjatë kampionatit Euro 2020, ish-lojtari i Interi u rikthye të luajë.

Nje gol dhe 4 asist me Brendford deri tani. Paraqitje këto që kanë bërë që tashmë interesime për të ketë edhe nga skuadra të tjera, të cilat kërkojnë shërbimet e mesfushorit danez, i cili me shumë gjasa do të largohet nga skuadra angleze gjatë merkatos së verës.

Vetë mesfushori danez ka pranuar se ka disa oferta të rëndësishme në tavolinë, duke paralajmëruar kështu largimin nga skuadra e tij aktuale. “Nuk mendoj se ka futbollistë që mund të vendosin vërtetë vetë se me kë klub do të luajnë.

Janë shumë kritere që hyjnë në lojë në këto situata. Në nivelin personal unë kam disa oferta të ndryshme dhe do të vlerësoj se kush është më e mira për mua. Më pas do të marr edhe vendimin tim”.

“Po, do të më pëlqente të luaja përsëri në Ligën e Kampionëve. E di se sa i rëndësishëm dhe argëtues është si garë, por në të njëjtën kohë nuk është thelbësor”, tha Eriksen. Arsenal, Tottenham Hotspur dhe Manchester United kanë shprehur interesim për danezin në Ligën Premier, derisa edhe Ajax po tenton rikthimin e tij.

Përleshje Me Thika E Shufra Metalike Në Afërsi Të Një Shkolle Në Podujevë, Të Lënduar Së Paku Tre Persona

Sot rreth orës 21:00, në fshatin Ballovc të komunës së Podujevës, si rezultat i një fjalosje në mes të disa personave, ka filluar edhe përleshje fizike në mes tyre, e ku për pasojë disa nga ta kanë pësuar edhe lëndime trupore.

Burimet e Sinjalit nga Emergjenca në Podujevë kanë njoftuar se fillimisht dy persona janë sjellë në këtë qendër për trajtim mjekësor, tek të cilët janë vërejtur lëndime trupore të shkaktuara nga mjete të forta, e më vonë është sjellë edhe një person tjetër me lëndime të njëjta.

Sinjali mëson se nga përleshja kanë pësuar tre persona, të cilët dyshohet se i ka therë me thikë një person tjetër, për të cilin ende nuk dihet nëse është prangosur nga Policia.

Xhaka nuk përmbahet: “Nuk meritojmë as Europa League! Duhen b*le, ose ndryshe mos zbrit në fushë” Por bënte sehir te goli i Newcastle

Granit Xhaka pyeti nëse disa nga shokët e tij të skuadrës kishin guximin për të konkurruar me Newcastle pasi shpresat e Arsenalit për Ligën e Kampionëve u dëmtuan rëndë në St James’ Park.

Tottenham është në vendin e katërt dhe pret javen e fundit, me dy pikë me shume se Arsenal, i cili humbi 2-0 në Newcastle të hënën mbrëma. Arsenali mund të kishte vulosur Champions me një fitore ndaj Spurs të enjten e kaluar.

Por tani Topçinjtë duhet të mposhtin Everton këtë të dielë dhe të shpresojnë që rivalët e tyre në Londrën veriore të humbasin në Norwich, ekip qe ka rënë. Menjehere ka folur kapiteni Granit Xhaka ne media duke mos u kursyer…

“Është e vështirë të gjesh fjalët e duhura. Nga minuta e parë deri në të 90-ën nuk e merituam të ishim në fushë” tha mesfushori i Arsenalit Xhaka për Sky Sports. “Unë nuk mund t’ju shpjegoj pse. Ne nuk bëmë atë që ishte plani i lojës, duke mos dëgjuar trajnerin.

“If someone isn’t ready for this game, stay at home”

Granit Xhaka says the Arsenal players didn’t deserve to be on the pitch today 😓 pic.twitter.com/OdC37x3TAG

— Sky Sports Premier League (@SkySportsPL) May 16, 2022

Ajo që ndodhi ishte një paraqitje katastrofike. Nuk e meritojme të luajme ne Champions League apo edhe Europa League. Është shumë e vështirë për ta marrë atë për momentin. Nuk e di pse nuk po bëjmë atë që kërkon trajneri për ne.

I pyetur për skuadrën e re të Arsenalit, Xhaka shtoi: “Nëse dikush nuk është gati për këtë lojë, qëndro në shtëpi. Nuk ka rëndësi mosha. Nëse je nervoz, qëndro në stol ose qëndro në shtëpi. Duhen njerez dhe duhen b*ole për të luajtur.

Ishte një nga ndeshjet më të rëndësishme për ne. Ne ndihemi shumë të zhgënjyer për njerëzit që erdhën këtu nuk na pane te fitonim, por u detyruan te shijonin kete spektakel vertet te hidhur”. Por, Xhaka duhet te mos harroje qe edhe vete eshte skandal. Sepse te goli i dyte i shenuar nga Newcastle bente sehir…

Xhaka talking like he wasn’t walking about… watch him pic.twitter.com/fXLPp3DfP6

— CraigMealy (@CraigMealy) May 16, 2022

Saranda Bogujevci Ia Përplas Në Fytyrë Të Vërtetën Ivica Daçiqit: Ju Ma Vratë Tërë Familjen

Deputeti i LDK-së, Arben Gashi ka folur pas zhvillimeve në Komitetin për Politikë dhe Demokraci të Këshillit të Evropës që po mbahet në Kretë.

”Ne nuk kemi bërë asgjë të jashtëzakonshme, ne kemi bërë punën tonë, në përfaqësimin e Kosovës. Në këtë takim patëm një ballafaqim me Daçiqin”, tha Gashi.

Sipas Gashit, Daçiqi u mundua që të mos lejoj që Kosovës t’i jepet fjala. Pas kësaj, Gashi tregoi se ata kanë kundërshtuar Daçiqin, duke shtuar se kanë “deklaruar se si mund të flasim për vlera, kur Kosova të mos jetë në këto sesione e forume”.

Ai tha se përplasja me Daçiqin ishte për çështjen e shpalljes së pavarësisë së Kosovës.

”Unë i thash që Gjykata Ndërkombëtare e Drejtësisë e ka legjitimuar pavarësinë e Kosovës, dhe ka konstatuar se Kosova është rast “sui generis””, tha ai në Kanal 10.

Ai tha se deputetja Saranda Bogujevci ka pasur një paraqitja shumë të mirë.

Gashi tregoi se si Bogujevci i tha Daçiqit se regjimi i Millosheviqit ku ishte pjesë edhe vetë kryetari i Kuvendit të Serbisë, ia ka vrarë thuajse tërë familjes.

”Patëm një paraqitje dinjitoze”, tha ai.

DRAMË ARSENALI | “Zhduket” Champions, tani Tottenham luan thjesht për 1 pikë në ndeshjen e fundit

E pabesueshme ajo që ka ndodhur sonte në stadiumin e Newcastle. Skuadra e qymyrxhinjve, e cila është pa objektiva pasi ka siguruar mbijetesën me kohë, ka mundur j Arsenalin 2-0 duke zbehur keshtu objektivin per zonën Champions League.

Menyra se si Arsenal flaku sezonin eshte totalisht nje deshtim! Sepse perpara nje jave ishte 4 pike larg Tottenham dhe sot e gjen veten 2 pike pas skuadres se Antonio Contes. Dy humbje radhazi

AUTOGOLI I WHITE

Skuadra e Arteta-s, pas një pjese të parë të mbyllur në barazim, ka pësuar gol me një aksion të bukur nga krahu me Ben Ëhite që ka devijuar topin në rrjetën e tij teksa Wilson e ka shqetësuar.

GOLI I GUIMARAES

Me pas ka qene braziliani i blere nga Lyon ne janar qe ka shenuar edhe golin e dyte. Bruno Guimaraes. Nje sezon fantastik per djaloshin qe ne mesfushe ka marre gjithcka ne dore duke u paraqitur super.

Arteta i shtangur, duke qenë se Tottenham tashmë është +2 pikë më shumë pasi fitoi ndeshjen e tij ditën e djeshme. Dhe duke ditur se ne javen e fundit skuadra e Spurs do te luaje ndaj Norwich qe ka rene ne kategori, do te mjaftonte edhe 1 pike per te siguruar Champions .

Next up, Norwich ✊ pic.twitter.com/ZgtDsnitNH

— Tottenham Hotspur (@SpursOfficial) May 16, 2022

Ishte pikërisht ndeshja direkte ajo që u bë shkak, duke ditur se skuadra e Contes e mundi ekipin e Arteta-s edhe me një gabim të arbitrit te penallti dhe kartoni i kuq. Dhe menjehere pas ndeshjes se sotme, Tottenham ka postuar “E radhes, Norwich”. Nje thumb Arsenalit…

Arrestohet Menaxheri I Një Kompanie Të Madhe Në Podujevë – Ja Për çka Dyshohet

Krimet kibernetike të Policisë së Kosovës kanë arrestuar sot një person në Podujevë, raporton .

Burime të , mësojnë se i dyshuari kryesor është punëtor (menaxher) – i një kompanie të njohur me degë në Podujevë.

Policia e Kosovës, duke mos e specifikuar saktësisht lokacionin se ku është kryer arrestimi, ka thënë se i arrestuari dyshohet se u ka vjedhur të dhënat e kartelave bankare klientëve dhe më pas nëpërmjet kartelave të tyre ka blerë kriptovaluta.

Më poshtë njoftimi i Policisë së Kosovës:

Krimet kibernetike të Policise së Kosovës vën nën pranga një person të dyshuar për veper penale “Lëshimi i çeqeve pa mbulesë ose të rremë dhe keqpërdorimi i kartelave të bankës apo të kreditit”

Prishtinë, 16 maj 2022,

Policia e Kosovës, Drejtoria për Hetimin e Krimit të Organizua, konkretisht Sektori për Hetime të Krimeve Kibernetike, sot ka arrestuar një person të dyshuar, nën dyshimin se ka kryer vepër penale “Lëshimi i çeqeve pa mbulesë ose të rremë dhe keqpërdorimi i kartelave të bankës apo të kreditit” sipas kodit penal të Republikes së Kosovës.

Personi i dyshuar tani më i arrestuar dyshohet se në mënyrë të kundërligjshme, duke keqpërdorur pozitën dhe besimin e klientëve, kishte vjedhur të dhënat e kartelave bankare të klientëve të cilët kanë bërë blerje në dyqanin ku i dyshuari ka punuar si menaxher, dhe pastaj këto të dhëna i njëjti i kishte përdorur duke bërë blerje të kriptovalutave në një platformë online të kriptovalutave.

I dyshuari ka fotografuar kartelat bankare në momentin kur klientët ia kanë dhënë kartelën arkatarës për të bërë pagesë, në disa raste i dyshuari e ka marrë kartelën e bankës nga arkatarja dhe në mënyrë të fshehtë me telefonin e tij i ka fotografuar kartelat në të dy anët me qëllim që këto të dhëna pastaj ti përdor për përfitime materiale në mënyrë të kundërligjshme.

Në këtë rast janë identifikuar disa të dëmtuar në disa banka të ndryshme të Kosovës, dhe dëmi i shkaktuar është disa mijëra euro.

Me urdhër të prokurorit i dyshuari dërgohet në mbajtje për procedura të mëtejme ligjore.

Kontakti: [email protected]